Shyqyr qe erdhi demokracia. Ajo u be sebep te zbraznim etazheret nga veprat kapak-kuq e t’i zevendesonim me libra te tjre si dhe me biblen e kuranin. Une i mbaj te dyja.  Gjithashtu u hoqen nga faqja e murit portretet qe e kishin zaptuar per kaq e kaq vjet e diku vendosem ndonje panorame e diku ndonje ikone. Mos u çudisni , ju vete e dini me mire kete pune. Ama nuk harroj ato dollite e ngritura per ideale e per partine . Dasma ime nuk i shpetoi kesaj dollie qe ish ne vend te bekimit te Zotit , por surpriza me e madhe me priste ne dhomen time te nuses.
Hyme ne dhome . Une nuse me vello dhe dhendrri me kostum blu. Me bien ne sy disa durata miqsh e kusherinjsh si nje tabllo e lezeçme  , nje tabaka druri e zbukuruar me motive popullore , nje komplet gotash, e mes te tjerave nje imitim ne allçi e Deas. Befas ne nje rrotullim perqafimi shoh mbi komo dy buste te Enverit. Kthej koken per t’i pare me mire dhe konstatova se ne fakt ishte vetem nje qe dyfishohej ne pasqyre. Qendronte aty serioz si ne plenium e ne perqafoheshim para tij. U shkeputa me veshtiresi nga krahet e tim shoqi e shkoj e qendroj para bustit.
         -C’eshte kjo ?- e pyes.
         - Dhurate ,- me thote ai.
         - Aha,, -them une dhe e kap me nje dore bustin dhe me tjetren hap dritaren.
         - Mos ! –briti im shoq , -do ta kalojme naten e marteses ne burg !
Kishte te drejte.
          - Nxirre jashte ! – them une.
          - Jo , se ka dasmore e na spiunojne.
Perqafimet e tij me zbuten disi. Filluam te zhvizheshim. Busti na veshtronte ftohte e zhbirues. E ktheva nga ana tjeter por syte e tij u vrejten ne pasqyre. E ktheva ne profil. Me dukej sikur me perqeshte.
            - Fshihe , te pakten te mos e shoh,- ju luta tim shoqi.
Ai e mori dhe e futi nden shtratin nuseror duke mallekuar me vehte ate qe ja beri peshqesh. Jo, edhe ketu nuk shkonte, na degjonte. E futem ne dollap por m’u fiksua sikur nga çasti ne çast do te hapej kanati e do te dilte prej tij. Pasi u sorollatem nje cope here me lindi nje mendim. Mora e mbeshtolla me jorganin e pajes dhe e vendosem siper dollapit . Mbi kete deng vendosem tabllone qe ishte goxha e madhe e pastaj ju kthyem… Megjithate kur mendoj se vajza me lindi ne te njejten date me te tmerrshmin Stalin , me hyjne te dridhura deri ne palce. Zot , shyqyr qe qe vajze e jo djale …