Nuk ka gje me te lehte e me te kendeshme se sa te mbushesh uje me kove ne pus . Keshtu mu duk kur pashe nje nga vajzat simpatike te shtepise tek po bente kete pune. Hidhte koven Brenda dhe e nxirrte plot perbuze . Ky process nuk zgjaste me shume se dy ose tre sekonda , hedhje , mbushje , ngritje . Rrembeva dhe une koven dhe e hodha . Dikush klithi :
        - Kujdes litarin !
Por tashme ish teper vone . Kova kish fluturuar brenda ne pus e bashke me te edhe litari . E ç’te beja ? Vete nuk e nxirrja dot . I thirra plakes se shtepise , ajo vajzave te veta , ato plakut dhe plaku te birit . Ky i fundit se nga mori nje kallam a ku e di une se ç’fare dhe e nxorri koven fet e fet . Tash e kisha une rradhen perseri . Shterngova fort litarin ne njeren dore sa m’u zbardhen gishtat dhe me tjetren fluturova koven ne pus . Terhoqa litarin por per çudi pesha ishte e lehte . E leshova perseri e perseri i njejti rezultat . Prita pak se mos ndoshta donte nje fare kohe te mbushej . Hiç. Hodha syte poshte e ç’te shihja . Kova lekundej lehte mbi siperfaqen e ujit per shtate pale qejfe , ne freskllek , sikur une ja kisha ngene . Sigurisht ajo donte te zbavitej ca por grumbulli i eneve  po priste per t’u lare . Fundja ajo per kete pune ishte sajuar , per te nxjerre uje nga pusi e jo per t’u zbavitur brenda ne te .
E humba durimin e fillova ta perplasja koven pas ujit . Si per inat bosh . Ne inat e siper e nxorra , e ngrita lart , e ktheva se prapthi dhe e hodha pingulthi me sa fuqi pata . Ne çast ajo u mbush e ndjeva litarin te me terhiqte doren poshte . E terhoqa lart pak e nxehur , sepse qendrimi sodites i familjes mikpritese m’i kish cingrisur nervat . Rrinin aty tere ato lloj burra e grash e benin sehir. Nejse , lava pjatat e ata prape aty . Mora perseri koven dhe e hodha po me ate stil . Sukses i plote , proces i kryer ne tri seconda . Fillova te shpelaj enet . Por kur me duhej edhe nje kove uje , vetem nje , ndodhi nje habi e madhe . Kova jo vetem se doli bosh por i mungonte edhe fundi . E kote te zgjatem se si buzeqeshja e atyre njerezve sehirxhinj e simpatike u kthye ne ngerdheshje . Por po them vetem se une i perfundova se shpelari enet pasi pagova paret per koven e pare , sigurisht dyfishin e asaj nese do ta kisha blere te re ne treg , dhe ata me sollen nje kove tjeter . Pas dites se peste te pushimeve u bera mjeshtre ne kete pune , por kisha nxjerre jashte perdorimit edhe dy kova te tjera…