Lumturi familjare (XXIII)
E shtune, 19-04-2008, 06:55pm (GMT)
Refugjatet . Rrofshin refugjatet ! Fale tyre qyteti yne eshte pajisur me kolora, frigorifere , lavatriçe e rruget jane mbushur me makina te llojeve e tipeve te ndryshme ku mbizoterojne benzat. Ne nuk hyjme ne kete kategori fatlume por nje kolor, frigorifer , sobe, lavatriçe mi siguroi burri i dashur me nje vit pune ne Greqi. E ç'rendesi ka ne se frigoriferin apo soben i ka perdorur me pare nje ammise tjeter ne bregun perkarshi te Adriatikut , ato e bejne punen e tyre per mrekulli. Mirepo plotesimi i disa kerkesave sjell lindjen e disa te tjerave me te avancuara. Sigurisht kjo faze i eshte vjedhur ndonje koke te madhe te mendimit boteror , por ama ai ka patur plotesisht te drejte. Kete e verteton me se miri nje kusheriri im Xheloja. I biri i iku refugjat qe ne mars. I shkreti djale i qante hallin nenes e babait qe kishin vetem pensionin per te jetuar , ndaj mendoi qe si fillim te punonte per t'i rregulluar keta. Keshtu qe me rrogen e pare qe mori u dergoi para. Ish rregull qe çdo muaj do ti vinin Xhelos nje tufe para . Ky i fundit me ato qe i tepronin nisi te blinte orendi te reja per shtepine. E shtoi kerkesen dhe i biri ju pergjigj. Xheloja vazhdoi te blinte te tjera . Perseri e shtoi kerkesen dhe i biri qe mbante para vetem sa per te ngrene nuk mund te blinte as edhe nje televizor te ri per vete atje ku ishte. Cdo muaj Xheloja blinte diçka te vogel a te madhe. Kaluan keshtu tre vjet . Djalin e mori malli dhe erdhi me pushime per ti pare prinderit. Takimi ishte mallengjyes. Pritja ne shtepi ishte mahnitese. I biri kujtoi se i ati kish gabuar deren aq shume kish ndryshuar ajo shtepi dikur me mindere. Habia me e madhe ishte saçi i satelitit , kolori njezetekater polç , videoja dhe nje kuti e mbushur plot me kaseta. Pasi piu kafene qe ja bene duart e embla te nenes ne ekspresin familjar pyeti : - A te mungon gje mor babae ? - Ah, mor bir ,- ja ktheu u ati duke psheretire ,- te kisha edhe nje nga ato … si quhen dreqi … ah po nje telekamere… Te birit i ra filxhani i kafese nga dora…
|