Tashmë ta dëgjova dhe ta kuptova thirrjen
e qartë, e kuptueshme dhe plot zjarr
valët e detit peshqit i trazuan
peshkatarët ikën në lumin e harruar

kush ma dëgjon thirrjen në natën vonë
le t’i falet yllit që roje i bën hënës
në rrethin e unazës përbirohet shikimi
dikush më vrau tej brigjeve pa dashje

dëshirë e pritur e vonuar me mote
një ditë do të kthehesh pa u hetuar
ma thotë zemra e ma do shpirti
tashmë të pashë në qiell e diell – flutur