Vetëm diellin kur e shoh në zemrën e atij shpati
Dëshira më afrohet dhe zgjatet bashkë me rreze
me një buzëqeshje yjesh në shtratin tim të butë

Jehonën e këngës e merr mali e malli në gji
bareshat hedhin valle kur tufat e deleve mrizojnë
Dëshira u realizohet nën hijen e një qershize blu

O sa ma ka ëndja të bëhem lule mbi atë lumë
sa herë që kalon Dëshira të thith aromë nga unë
pastaj t’i krenohet Ardhjes që e deshi aq shumë

Luleshqerrat shikohen me lulen e diellit herët
livadhet janë mbuluar me mijëra lule të tjera
sepse këtë e deshi Dëshira atëherë kur qe këtu

Ca rreze do t’i ruaj në gjirin tim deri në mbrëmje
përballë oxhakut një un i thatë për të ende tymon
më vjen Dëshira si hije dhe bujshëm më ulet pranë

A ndalet Dëshira tek pragu i shtëpisë sime në ardhje
këtë nuk e besoj sepse nuk jeton në mëdyshje
rreze moj rreze ma afro të ngrohtën Dëshirë.