U shtuan babagjyshët e Vitit të Ri
Me uniformën bardhë e kuq.
I gjen dyqaneve,
Festime fundvitesh,
Kudo në rrugë.
Dhurata tek shpërndajnë.

Fëmijë kur isha
Dhe besoja ende tek ai,
Vetëm një babagjysh njihja
I cili, çuditërisht
Vinte gjithnjë
Kur im atë s’ishte në shtëpi.
Dhuratën të më sillte.

Kur mësova
Se gëzimsjellësi i madh
S’ishte, veç babai.
Përjetova “tradhëti”.
Oh, ç’zhgënjim i tmerrshëm fëmije
Të tërën më kaplloi.
Lodra s’vinte nga Viti i Ri...!

Që atëhere,
Sa herë marr dhurata në jetë.
Mësova të njoh
Kush është dërguesi i vërtetë...!

Lexo/Shkruaj Komente (0)

Printo

Dergoje

Top

---