Paraja
E premte, 22-06-2007, 09:42pm (GMT)
Mendohem
Se cili blerës e kishte paranë
Që mbaj unë në dorë
Para se shitësi të m’a jepte si kusur,
Dhe ç’tjetër njeri e pati përdorur,
Përse,
Ku,
Kur...?
Zinxhirë të pafund hamendjesh thur.
Në prekje parash mund të takohen
Presidenti i Amerikës me një rrjepacak.
Një diktator,
Një demokrat,
Apo një qejfprishur pa hesap.
Hyn e del kjo kartëmonedhë
Në çdo xhep e çdo shtëpi
Ngre dhe shuan luftra varg,
Pa racizëm,
Pa kombësi...!
|
Lexo/Shkruaj Komente (0)
Printo
Dergoje
Top
