Kur vjen ora e lutjes
Brenda meje laget fjala
Mbrëmjet humbin në muzg
E vijnë me klimë paqtuese
Falma atë që nuk ma fale
Siç falin sekondat minutat
Pasi fundosen në tik-take.
 
Hija vizaton profilin tënd
Ulem në shkallët e ëndrrës                                                  
Të numëroj ditët me diell.
Sonte mos mendo për asgjë
Vallëzo mbi asfaltin e udhës
Ankthi le të vdesë në trotuar
Kthehu! të pret ndjenja ime
Në sheshin e vetmuar dielli
Ngricën ka shkrirë me rreze
Mrekullia jonë e përjetshme
Është mali i zemrës në univers.