Rrotullohem si toka
Nëpër trupin e botës
Shtatë vrimat e jetës
Një parajsë hareje
Gishtërinjtë e mi
Vallëzojnë të lirë
Në pritje të zgjidhin
Ekuacionin e jetës                                                      
Përkëdhelin shpesh
Të njejtën fytyrë.

Endacakët rebelë
Ndjekin hijet yjore
Përplasen të verbërit
Me kataklizma errëtie
Ashtu si nyja gordiane
Që shtyn psherëtimat
Brenda spirales ujore.

Shoh veten në pasqyrë
Hakmerrem me dashuri
Jam e pazonja të urrej
Në këtë botë të çmendur
Shtrati sjellë harrimin

Lexo/Shkruaj Komente (0)

Printo

Dergoje

Top

---