Jam udhëtar i rrallë me avione
dhe kam emocione:
Shkoj larg, në Veri:
( kohë emigracioni... )
Kaq vjet pa u parë
Me fëmijët e mi.

Kontrollet e rrepta në aeroporte
Matin mbipeshat.
(s’lejojnë mbi njezatat.( 20 kg))
Kontrollorë të akullt:
Nuk e kanë bagazhet e mia superpeshën sot.
Kurrësesi.
Kontrolli juaj është i kotë:
Këtë peshë malli
Askush s’ma peshon?!
Ndoshta,
    po të matej
do të ishte qindra ton,
e, nuk mund ta mbartte dot
asnjë avion.

Rinas, 16.07.2003

Lexo/Shkruaj Komente (0)

Printo

Dergoje

Top

---