Letërsia Shqiptare

Pesha e mallit
E merkure, 08-08-2007, 09:38pm (GMT)

Jam udhëtar i rrallë me avione
dhe kam emocione:
Shkoj larg, në Veri:
( kohë emigracioni... )
Kaq vjet pa u parë
Me fëmijët e mi.

Kontrollet e rrepta në aeroporte
Matin mbipeshat.
(s’lejojnë mbi njezatat.( 20 kg))
Kontrollorë të akullt:
Nuk e kanë bagazhet e mia superpeshën sot.
Kurrësesi.
Kontrolli juaj është i kotë:
Këtë peshë malli
Askush s’ma peshon?!
Ndoshta,
    po të matej
do të ishte qindra ton,
e, nuk mund ta mbartte dot
asnjë avion.

Rinas, 16.07.2003



Powered by SoSo News Express Pro 2.1.1
Copyright © 2005-2007 by SoSoVN.com. All rights reserved.