Shpeshherë
siluetat më dalin
përpara dritares
dhe shtëpisë së vjetër

Hija e ftohtë e xhamave
mbulon fijet e këputura të barit
që përkulen
nën qeramikën e një ëndrre

Siluetat e para prapa perdeve
përplasen gurgullimave të shiut
kapërdijnë virgjërinë e fjalëve

I molisur jam
nga siluetat e natës
nga sibilat e athta
nga kataraktet
i molisur jam

E thitha sonte nikotinën e ajrit
dhe mbeta i lagur nën gjethet e hënës