Letërsia Shqiptare - Ramiz Lika: Dashnorja e të gjithëve

Titulli: Dashnorja e të gjithëve
Autori: Ramiz Lika
Botues: Shtjefni
Cmimi: 750 lekë

Dashnorja e të gjithëve

Shqipëruesi Ramiz Lika vjen para lexuesve me një roman të vetin, i cili, në fakt, nuk është i pari për të. "Dashnorja e të gjithëve" vjen pas 11 romaneve të tjerë të shkruar nga Lika dhe pas shumë përkthimeve të tij. Ndër librat që mbajnë autorësinë e tij mund të përmendim: "Dallgët e detit", "Stuhia", "Dashuria në bunker", "Robina me sytë magjike", "Karriera e një prostitute" etj. Ndërsa nga librat e shqipëruar prej tij janë: "Syzeza Karolinë", "Krimet e një gruaje", "Një tragjedi njerëzore", "Vajzat misterioze", "Mes gruas dhe dashnores" etj., ndërkohë që ka në proces përkthimi librat "Kurvat e Parisit", "Pallati i kanibalëve", "Një burrë dhe dy gra", "Dashuri kanibalësh". Ditën e parë që fillova punën si mësuese në atë shkollë të mesme fshati, u përballa me një ngjarje, e cila jo vetëm më prishi humorin edhe ashtu të prishur siç e kisha, por edhe më futi në një labrinth dilemash, hamendjesh, shqetësimesh, që do të mbushnin më pas jetën time të trazuar qysh në hapat e parë. Isha në gjysmën e orës së dytë të mësimit, kur dëgjova një britmë gruaje afër shkollës. Ishte një e qarë aq tronditëse, sa mësimi pas atij çasti ishte i kotë. Si unë ashtu edhe nxënësit e mi u rrëmbyem nga ajo britmë tragjike: O, ku-ku për mua! E mjera unë, fatzeza! Ja me se do ta vazhdoja ditarin tim të ri, të cilin e kisha filluar me të arritur në këtë vend disi ekzotik!