Letërsia Shqiptare - Lulzim Hana, Ilia Telo: Tranzicioni në Shqipëri: arritje dhe sfida

Titulli: Tranzicioni në Shqipëri: arritje dhe sfida
Autori: Lulzim Hana, Ilia Telo
Botues: Botim i Akademisë së Shkencave, Instituti i Ekonomisë
Cmimi: 350 lekë

Autor dhe bashkautor i 9 monografive, 2 teksteve universitare, 93 studimeve dhe projekteve, 29 referate në konferenca kombëtare e ndërkombëtare, 31 artikuj shkencorë brenda dhe jashtë vendit, me një vëllim mbi 10.000 faqe, Lulzim Hana vjen me një studim të realizuar bashkë me Ilia Telon. Prof.dr.Lulzim Hana lindi në Tiranë në vitin 1945. Në vitin 1967 përfundon Fakultetin e Ekonomisë shkëlqyeshëm. Komentator në Radio Tirana deri në vitin 1973, pedagog në Fakultetin Ekonomik deri në vitin 1992, drejtor në Ministrinë e Tregtisë e të Bashkëpunimit Ekonomik me Jashtë deri në vitin 1995, mësues në Nju-Jork deri më 2002, aktualisht është drejtor i Institutit Ekonomik pranë Akademisë së Shkencave. Fitues i konkursit ndërkombëtar të organizuar nga seksioni akademik i NATO-s në vitin 1993-1994. Lektor në Universitet, drejtues studentësh në punë diplome dhe pedagogësh për mbrojtje doktorature, anëtar i këshillave dhe shoqatave ekonomike brenda dhe jashtë vendit. Kurse prof.dr.Ilia Telo lindi në Pogon (Gjirokastër), më 1938. Pas përfundimit të universitetit, punoi si pedagog deri në vitin 1967. Nga 1967-1986 punoi në Komitetin Ekzekutiv të rrethit të Mirditës. Më pas, në Institutin e Studimeve Ekonomike, në Ministrinë e Punës dhe aktualisht në Institutin e Punës së Sindikatave. Ka botuar rreth 20 monografi, mbi 3000 faqe dhe ka mbajtur kumtesa brenda dhe jashtë vendit.