Letërsia Shqiptare - Botimet e reja te javes

Afresk kritik”
Autori: Erjon Kristo
Lloji: Kritikë
Shtëpia botuese: Ideart
Faqe: 160
Në horizontin e përvojave estetike, aftësia për të marrë përgjegjësi personale, duhet të shfaqet si cilësia parësore e kritikës. Kritiku duhet të mësojë të mos fshihet pas gishtit dhe të shfaqë publikisht, një guxim që nuk ka pse të mos nisë fillimisht nga pohimi i vlerave. Duhet të mësojmë të thurim një kritikë konstruktive, pa e mohuar të drejtën për të dalluar ndonjë gabim.

“Anija e gjumit”
Autori: Arian Leka
Lloji: Poezi
Shtëpia botuese: Ideart
Faqe: 138
Prezantimit të këtij libri do ti mjaftonin dy pasazhe nga vlerësimet e kritikut Ali Alu dhe poetit Ervin Hatibi. Sipas Aliut, “poezia e Arian Lekës, tek libri ‘Anija e gjumit’, është sfidë magjepsëse për aventurë krijimi, kumte e zëra plot vibrime të brendshme, drithërima befasish, frike, gëzime e trishtime që frymojnë bashkë”. Ndërsa sipas Hatibit “ajo që e bën të bukur poezinë e Arian Lekës, tek ‘Anija e Gjumit’, është afrimi me eksperimentin e avangardës - një çudi kaleidoskopike, përpjekje për shpjegimin e epistemës sonë, shenja që e bëjnë këtë krijimtari të jetë unikale”

Byzylyku bojëshege
Autori: A.I. Kuprin
Përktheu: Jorgji Doksani
Lloji: roman
Shtëpia botuese:ABC
Prej shumë lexuesve që i janë rikthyer me nostalgji këtij libri, është konsideruar si një nga historitë më të ndjera të dashurisë. Persiatjet e personazheve mbi dashurinë dhe martesën janë nga më interesantet. Kuprini është me vërtetë një mjeshtër i tregimit të shkurtër dhe kjo tregohet dhe nga pershkrimi i natyrës në këtë libër. Është një libër që të çlodh dhe të bën të mendosh për dashurinë pa të futur në angësht

Etje Dashurie
Autori: Yukio Mishima
Përktheu: Nasi Lera
Lloji: Roman
Shtëpia botuese: Dudaj
Faqe: 224
Vejusha e re Ecuko është e dashuruar me një djalë, që punon te shtëpia e vjehrrit të saj, Jakishit, ku banon edhe vetë. Kunetërit, kunatat dhe fëmijët e tyre jetojnë nën çatinë e gjyshit që është bërë dashnori i Ecukos. Një natë, Ecukoja i lë takim djalit të ri. Duke kuptuar më në fund se ç’dëshiron ajo, i hidhet përsipër. Ajo humb vetëdijen. Kur vjen në vete, ai ia mbath me të katra. Ajo e ndjek, e kap, e godet me kazmë dhe e vret. Jakishi ndodhet aty. Roman me një forcë të madhe tinëzare, të errët dhe nervoze, kjo vepër është pikturë e një pasioni të ndrydhur nga një mjedis, por që arrin të venitet i gjithi.

Ndërmjetësi
Autori: John Grisham
Përktheu: Etleva Hoxha Çepele
Lloji: Roman
Shtëpia botuese: Dudaj
Faqe: 368
Në orët e tij të fundit në Zyrën Presidenciale, Presidenti që së shpejti do të largohet nga detyra, firmos një amnisti të diskutueshme nga ato “të minutës së fundit” për Xhoel Bekmanin, një ndërmjetës qeveritar famëkeq i Uashingtonit që gjashtë vitet e fundit i ka kaluar në një burg federal. Presidenti e ka lëshuar këtë amnisti vetëm pasi ka pasur shumë presion nga CIA. Me sa duket Bekmani në ditët e tij më të mira si ndërmjetës, mund të ketë marrë vesh sekrete që komprometojnë sistemin më të ndërlikuar në botë të mbikëqyrjes satelitore. Pyetja për të cilën CIA pret përgjigje është: Kush do ta vrasë?