Libri i Vajzave: Si të Bëhesh Më e Mira në Gjithçka  Ky është libri i parë në llojin e vet që botohet në Shqipëri. Brendia e tij përmban një paketë të plotë me këshilla dhe udhëzime praktike për vajzat, që shkojnë në përshtatshmëri me programin mësimor që zhvillohet në shkollat tona 9-vjeçare, sidomos në lëndët e edukatës qytetare, përgatitjes fizike, muzikës, gjeografisë, fizikës, matematikës, diturisë së natyrës etj. Përvoja e autorëve nga Britania e Madhe, e materializuar në sensin praktik që kultivon ky libër te nxënësit e moshës 8 deri 13 vjeç, i jep botimit vlera tepër të dobishme dhe të veçanta. Duke lexuar këtë libër, edhe mësuesit e prindërit do të mësojnë plotë gjëra të reja, që vijnë nga përvoja e shkollës angleze, të cilat mund t’ua sugjerojnë nxënësve në programin e përditshëm. Në 128 faqet e librit, vajzat e këtyre moshave mund të zbulojnë se si të bëhen më të mirat në gjithçka, duke zbatuar disa këshillapraktike. Ja një pjesë e udhërrëfyesit që përshkruhet në këtë libër:
Si të dalësh sa më bukur në fotografi
Si t’i prisni sa më mirë të ftuarit tuaj
Si ta shpëtoni planetin
Si të shkruash një haiku të bukur
Si të modernizoni një bluzë të vjetër
Si t’i rrisni vetë domatet tuaja
Si të kontrolloni motin
Si të përgatisim një byzylyk miqësie
Si të përmirësoni kujtesën
Si të bëheni një matematikane magjistare
Si të përgatisni skemën e trungut të familjes tuaj
Si të bëni patinazh në akull
Si të përgatisni një leng frutash me qumësht për 5 minuta
Si të parashikoni kohën
Si të prodhoni një daulle
Si të mësoni për provimet
Si t’i përvetësoni rregullat e vallëzimit
Si t’i bini kitarës
Si të jesh më e mira në gjuhët e huaja
Si të bëni një busull
Si të gjeni yllin polar
Si ta përgatisni vetë bukën tuaj
Si të bëheni një balerinë e parë
Si të kujdeseni për zogjtë e pulës
Si të përcaktoni karakterin e njerëzve nëpërmjet shkrimit

Libri i Djemve: Si të Bëhesh Më i Miri në Gjithçka

Libri me një paketë të plotë këshillash për djemtë është i pari në llojin e vet që botohet në vendin tonë. Brendia e tij përmban një paketë të plotë me këshilla dhe udhëzime praktike për djemtë, që shkojnë në përshtatje me programin mësimor që zhvillohet në shkollat tona 9-vjeçare, sidomos në lëndët e edukatës qytetare, përgatitjes fizike, muzikës, gjeografisë, fizikës, matematikës, diturisë së natyrës etj. Përvoja e autorëve në Britaninë e Madhe, e materializuar në sensin praktik që kultivon ky libër te nxënësit e moshës 8 deri 13 vjeç, i jep këtij botimi vlera tepër të dobishme dhe të veçanta. Duke lexuar këtë libër, edhe mësuesit e prindërit do të mësojnë plotë gjëra të reja nga përvoja e shkollës angleze, të cilat mund t’ua sugjerojnë nxënësve në programin e përditshëm. Në 128 faqet e librit djemtë e këtyre moshave mund të zbulojnë se si të bëhen më të mirët në
gjithçka, duke zbatuar disa këshilla praktike të domosdoshme. Ja një pjesë e atyre që përshkruhen në këtë libër:

Si të fluturosh me helikopter
Si të mbijetosh në hapësirë
Si të notosh në stil të lirë
Si të bësh frymëmarrje gojë më gojë
Si të luash tenis
Si të shkruash një vjershë sa më shpejt
Si të bësh një trap të thjeshtë
Si ta gjuash topin me kthesë, si Bekami
Si të bësh një orë uji
Si t’ia mbyllësh gojën atij që “i di të gjitha”
Si të bëhesh magjistar në matematikë
Si të ngjitesh në litar
Si të gjesh ujë nëntokë
Si të hedhësh topin e basketbollit
Si të bësh zjarr
Si të lexosh shpejt
Si të shpëtosh nga një tërmet
Si të përcaktosh vendndodhjen e një shtrëngate
Si të vozisësh
Si të gjesh se nga ç’anë është veriu
Si të bësh një karikaturë
Si të driblosh me topin e basketbollit
Si të provosh që nuk je mendjemadh
Si të provosh aftësitë e tua telepatike

Lexo/Shkruaj Komente (1)

Printo

Dergoje

Top

---