Ekrem Ajruli: Ndër ne ngeli sinonim (Cikël poetik)
| Thursday, 04.23.2009, 07:39 PM |  

Thas bërllogu


Nerëzit pyesin

Me habi

Pse thesi i bërllogut

Vertikalisht

Nuk rri

Për toke e shtrinë

Më e lehta

Puhi

Sot kudo hasim

Thas bërllogu

formash

Të ndryshme

Të shkurtër

Apo të gjatë

Që tërë ditën rrinë

Në grykë

Shtërnguar

Me kravatë

 

Ndër ne ngeli sinonim


Besa iku e u struk në legjendë

Ndër ne ngeli sinonim

Skënderbeut iu mpinë krahët

Nga betejat në biseda

Gjokut i ranë

Patkonjtë nëpër këngë

Barleti dhe kronikat

Humbën në haresë

Isait iu zbardhën

Tirqit galan

Varur kafeneve

Opingat iu coptuan

Nga gotat e thyera t’viskit

Mic Sokolin e mbyti

Tymi i duhanit në çajtore

Hasan Prishtina shiqon reptë

Nipin e stërnipin

Tek luajnë lojën e dajanit

Ismail Qemali sodit

Mallëngjyeshëm flamurin

Kur e ngremë dhe na e ulin

Mbi kolibe të bostanit

Shota shiqonë me zili

Vajzat e nuset në dasma

Veshur në dimi Stambolli

Azemit ngujuar në shpellë

Koka i ushton

Nga krismave në ahengje

Nagantit të Avniut

I laget baroti

Nga vrushkujt e rakisë

Migjenit i ngec pena

S’din ç‘të shkruaj

Mjerimi e turbekuloza

S’qenkan gjë

Para murtajës moderne

Drogë

Marigona buzë detit

Del që me natë

Të thurr terleme

Për haxhinjët

E trevës së Pollogut

 Dhaskal Todhri i thinjur

Përkëdhel shkronjat

E shkrira në stoli

Pushteti na fal

Shkollë për botën tjetër

E bekon nji haxhi

Shyqir jarabi


Maratona


Vraponi për post

Burra o burra

Për fronin e butë

Ndroni shtatë lëkura

 

Vehuni në gara

Dijetar bixhozxhi

Ta zbukurojmë fronin

Me një bozaxhi

Nuk lyp rrethina

Burra  dyfeku

Qeveria lyp

Tëhollues bureku

 

S’i duhen miletit

Burra për pleqëni

Deputet bëhet

Dhe një tatlixhi

Hallet sot

Që ka vatani

I zgjidh me lehtësi

Dhe zotëri nallbani

Ndaj u bëj apel

Mos e çajmë gurmazin

Por me dinjitet

Ta zgjedhim matrapazin

 

punët tona

mbarë do t’ecin

po ia ofruam

në ndihmë

agapijanecin

 

Pasi t'gjithë vijnë

nga sistem i vjetër

t’mos lodhemi kot

të formojmë klan tjetër


Jeta


Në fëmijëri

Letër e bardhë

Si bora

Ç’të donë zemra

e rrëmben dora

në rini

plotë andralla

veç luksit e argëtimit

për asgjë s’të ha kopalla

 burrëria

jetë gomari

argat i të gjithëve

eh! Jetë, jetë k...(ali)


O mik

(mikut R. Sinani)


ike natën në heshtje

pa lënë amanet

ike nga kjo botë servilësh

o mik

ku njeriu han sojin e vet


ike se të bezdisi

shtresa e injorancës

intelektuale

krimbat e krimbave të kuq

që erdhën nga gropa fekale


kjo botë e krimbur

o mik

shtrihet nga kollarja

deri poshtë rripit

si dje edhe sot e drejtojnë

pasardhësit e edipit


ike  o mik

pa thënë lamtumirë

ike nga kjo botë plot myk

botë që jetën na e brenë

nga pak e përditë

 

eh! mik

edhe në varr

s’të lënë të qetë

do të sulen krimbërisht

se fjala e poetit vret.



(Votes: 0)

Write Your Comment
Your Name:
Your Email:
Security Code:
Title:
Comment:




  • Su
  • Mo
  • Tu
  • We
  • Th
  • Fr
  • Sa
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
  • 30
  • 31
  •  
  •  
  •  
  •