FLORA SELA - KASTRATI: VAZHDOJ TA KЁRKOJ TЁ NESЁRMEN - V BORË NË MARS
| Monday, 09.14.2009, 10:23 AM |  

NЁNA MA PЁRKUJTON KOHЁN
       E GEORGE ORWELLIT

Nënë, nuk jam çupëlinë e vogël
Kur më këshilloje që të mos vonohem.
Terri mos më përbijë në rrugë
E ti të mbetesh pa fëmij.

Nënë, sa herë më përcjellë te porta
          Më thua: mos pi lotët e Shën Mërisë!
Mos rri me poetë të çmendur Natën
Shkaku: se ata mund të të tjetërsojnë
                        E ta humbish veten ti.

Nënë, më ke thënë: dhe çka jo
Të kam police që më kontrollon
Ma përkujton George Orwellin: 1984.
Megjithatë, nënë unë mbeta fëmij
Kam nevojë për ngrohtësinë tënde
Të më vësh në gjumë si dikur
                               Kur isha fëmij...

BORЁ NЁ MARS

Borë e pazakonshme në Shkup
                           Heu, bie borë!
Nuk kisha ombrellë, e bleva dikund
Të më mbroj nga moti i lig.
E ombrellat gjithmonë i harroj. Humb.

Po strehohemi diku në një Bohemi
Pimë gjakun e azreti Aliut me pomfritë.
Kohë gjaku. Dhe, lotëve të Shën Mërisë?!
S’kam kohë të them unë:
Furgoni më pret
E për ku?!
Për në vendin ku borë s’ka
                          Ka breshër.
Atje, ku nuk jam Vetvetja...

DHE ZJARRI DO TЁ SHUHET
        NЁ SHKRUM E HI

Date, ha speca djegës
        Të kam ngjarë ty.
Përvëlojnë. Djegin, por
        Ja, që unë si ndjej.

Date, e shi më djeg shpirti
     Thellësia e qenies time.
Jo specat djegës, por zakoni
         Që e trashëgova nga ti.

Ti s’do të pajtohesh. E di...
E pi gjakun e azreti Aliut.
Dhe, zjarri do të shuhet
Brenda meje në shkrum e hi...

U LODHA ME VITET
    E MIA NË SHPINË

Më thua: lehtë e ke ti
Unë jam Pandora, s’e kam
Ditur çka fshihet në atë kuti.

Herë Helena e Trojës pas së cilës
                               Lë kokën Ti.
Por, edhe Nefretiti, që i
Duhej kohë të dashurojë
                      Një njeri...

A e di?
S’e di, as unë. E si mund ta
                           Dish Ti?!

Jam Eva që nga Parajsa
      E dëbova çdo burrë.
Përjetshmëri. U lodha me vitet
                      E mia në shpinë
Më lini të prehem në qetësi!...

MOS MЁ POROSIT FURGON

Mos më porosit furgon
Dua të rri këtu me Ty
E të shkruaj poezi!
Frymën e vargut
Ta grabisim që të dy.

Më përcjell në shtëpi
E, mandej çka do të bësh
Pa mua “Katastrofën”?!
“Qerren me ferra” rrugës
Që ngec dardhave gorrice
Dhe, për Ty ndez qiri.

Në ëndërr do të të vij. Përqafoj
Aq fortë, do ta mbys Natën.
Shkaku: më përcjell në shtëpi...


(Votes: 0)

Write Your Comment
Your Name:
Your Email:
Security Code:
Title:
Comment:




  • Su
  • Mo
  • Tu
  • We
  • Th
  • Fr
  • Sa
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
  • 30
  • 31
  •  
  •  
  •  
  •